აიაქსის ლიდერმა ლუის სუარესმა განაცხადა, რომ კონტრაქტის ამოწურვამდე არსად წასვლას არ აპირებს და 2013 წლამდე იგი ამსტერდამ არენაზე დარჩება. შეგახსენებთ, რომ ურუგვაელი ბომბარდირით ინტერესდებიან ინგლისური და ესპანური გრანდები, აგრეთვე რამოდენიმე ხნის წინ თავად სუარესმაც გამოთქვა ლა ლიგაში თამაშის სურვილი, თუმცა როგორც ჩანს ეს ყველაფერი გადაიდო.
NUSport-თან საუბარში 23-წლის ფორვარდმა შემდეგი განაცხადა:"ვიცი რომ ჩემით ბევრი კლუბი ინტერესდება, თუმცა ჯერჯერობით მე წასვლას არსად ვაპირებ. ჰოლანდიურ პრესაში ჩემს შესახებ უამრავ ჭორს ვკითხულობ, რომლებსაც ყოველთვის ვუარყოფ. ჩემი კონტრაქტი აიაქსთან 2013 წლამდეა და ამ დრომდე აქ ვრჩები. მინდა რაც შეიძლება მეტს მივაღწიო ამ კლუბთან ერთად. სტეკელენბურგს გადაულოცა, რაც შემდეგნაირად ახსნა: "ეს ჩემი ინიციატივით მოხდა. მე ყოველთვის ყურადღების ცენტრში ვარ და დიდ ზეწოლას განვიცდი. ასე უფრო მშვიდად ვიქნები."
"მარტინი უკვე დიდი ხანია რაც გუნდშია და დარწმუნებული ვარ თავს შესანიშნავად გაართმევს ამ მოვალეობას. მიუხედავად იმისა, რომ აღარ ვარ კაპიტანი მაინც ყველაფერს გავაკეთებ აიაქსისთვის."-დაასრულა სუარესმა.
