მომდევნო კვირიდან ”მილანი”, ისევე როგორც სერია ა-ს დანარჩენი 19 გუნდი იწყებს მეორე წრეს. როსონერი პირველ მატჩს ლეჩეში, 16 იანვარს, 23.45 საათზე გამართავს. მოგეხსენებათ, პირველ წრეში შავ-წითლებმა სერია ა-ს დებიუტანტები 4-0 დაამარცხეს, ახლა კი ”ვია დელ მარეს” სტადიონზე შეეცდებიან კვლავ სამი ქულის აღებას.

ამ არენაზე ეს ორი გუნდი ერთმანეთს სულ 17-ჯერ შეხვდნენ ერთმანეთს. აქედან ”ლეჩემ” მხოლოდ ერთხელ იმარჯვა, როსონერიმ 7-ჯერ, ხოლო 9 შეხვედრა ფრედ დასრულდა.

ბოლო მატჩი ”მგლებსა” და ”შავ-წითლებს” შორის 2008-09 წლების სეზონში შედგა. მატჩი ფრედ დასრულდა, ”მილანელთაგან” გოლი რონალდინიომ გაიტანა, ხოლო მსაჯის მიერ დამატებულ წუთზე ესპოსიტომ ანგარიში გაათანაბრა.

საკუთარ სტადიონზე ერთადერთი გამარჯვება ”ლეჩემ” 2006 წლის 3 აპირლს იგემა. ”ჯალოროსიმ” მინიმალური სხვაობით დაამარცხა ”მილანი”, ერთადერთი გოლის ავტორი კი კონანი გამოდგა.

რაც შეეხება როსონერის, მათ ამ სტადიონზე ბოლოს 2002 წლის 5 იანვარს მოიგეს. კარლო ანჩელოტის გუნდმაც იგივე ანგარიშით, 0-1 დაამარცხა მეტოქე. გოლი კი ესპანელმა ხოსე მარიმ გაიტანა.

უკანასკნელი ფრე 2004-05 სეზონში დაფიქსირდა. 15 თებერვალს ჩატარებულ შეხვედრაში ”მილანელები” კალაძემ დააწინაურა, კონანმა მეორე ტაიმის დასაწყისში გაათანაბრა, მალევე შევჩენკომ გაზარდა ანგარიში, ხოლო მატჩის მიწურულს მირკო ვუჩინიჩმა დააფიქსირა საბოლოო ანგარიში, ფრე 2-2.

ბოლო შვიდი მატჩის შედეგი ”ლეჩეს” მოედანზე კი ასეთია:

1999/2000 სეზონი
29/08/1999
”ლეჩე” 2-2 ”მილანი”
გოლები: ვეა 57, სავინო 66, შევჩენკო 72, ლუკარელი 80

2000/2001 სეზონი
22/04/2001
”ლეჩე” 3-3 ”მილანი”
გოლები: ლუკარელი (პენ.) 35, ბირჰოფი 38, შევჩენკო 42, ვუგრინეჩი 46, სავინო 66, კალაძე 90

2001/2002 სეზონი
05/01/2002
”ლეჩე” 0-1 ”მილანი”
გოლები: ხოსე მარი 78

2003/2004 სეზონი
15/02/2004
”ლეჩე” 1-1 ”მილანი”
გოლები: ჩევანტონი 19, შევჩენკო 53

2004/2005 სეზონი
15/05/2005
”ლეჩე” 2-2 ”მილანი”
გოლები: კალაძე 12, კონანი 46, შევჩენკო 53, ვუჩინიჩი 82
2005/2006 სეზონი
02/04/2006
”ლეჩე” 1-0 ”მილანი”
გოლები: კონანი 54

2008/2009 სეზონი
09/11/2008
”ლეჩე” 1-1 ”მილანი”
გოლები: რონალდინიო  34, ესპოსიტო 93