როგორც " Football Italia" იუწყება, "ჯენოას" თავდამსხმელი ლუკა ტონი ტურინის "იუვენტუსში" გადავიდა. ტურინელები დიდი ხანია აკვირდებიან მიუნხენის "ბაიერნის" ყოფილ თავდამსხმელს, ფაბიო კვალიარელას ტრამვამ კი ისინი აიძულა დაეჩქარებინათ მოვლენები. ტონიმ არ დამალა თავისი სიხარული "ბებერ ქალბატონში" გადასვლასთან დაკავშირებით. აქვე უნდა ავღნიშნოთ, რომ ფეხბურთელმა ვერ შეძლო გენუაში თავისი საუკეთესო თამაშის ჩვენება. "ჩემი ოცნება ახდა, სრულიად კმაყოფილი ვარ ამ ტრანსფერით. მე ამ გუნდში მინდოდა თამაში და ეხლა დავამტკიცებ ჩემ რეალურ ძალას. "იუვენტუსის" წინადადებამ თავიდანვე დამაინტრიგა" - განუცხადა ჟურნალისტებს იტალიელმა. ტონის ტრანსფერთან დაკავშირებით ტურინელთა გენერალურმა მენეჯერმა ჯუზეპე მაროტამ გააკეთა კომენტარი: "შეთანხმება 1 დღეში განხორციელდა. ტონი წარდგენას არ საჭიროებს. იგი ხელფასის დაკლებასაც კი დათანხმდა, იმდენად დიდი იყო მისი სურვილი "იუვენტუსში" თამაშის. ლუკა ჩვენთან კვალიარელას შემცვლელად არ მოსულა, იგი ჩვენი კლუბის შემტევ პოტენციალს კიდევ უფრო გააძლიერებს. ის სავარაუდოდ უკვე შაბათს შეძლებს "ნაპოლის" წინააღმდეგ თამაშს. "
