მთავარი » 2011 » იანვარი » 18 » THE GOAT
|
The Goat - თხა (პირდაპირში), ცანცარა (გადატანითის პირველი ფაზა), გამოუსადეგარი (გადატანითის მეორე ფაზა).
The Goat (იშიფრება) - The Greatest of All Time (ყველა დროის საუკეთესო).
The Goat - FIFA-ში დაიწყო ინგლისური ენის სწრაფად შესწავლის კურსები. მსურველები შედით ამავე ორგანიზაციის ოფიციალურ საიტზე ან პირდაპირ დარეკეთ ნომერზე: +41-(0)43 222 7777. ლექციებს კითხულობს ჟოზე მოურინიო, იდეის ავტორი ზეპ ბლატერი, პროგრამის სპონსორები მიხაილ პროხოროვი და Jay Z.
სუფლიორად კრისტიან ბეილის დაამატებენ. მასაჟისტი - ჯეი ლენო. მაგარი ჯგუფია.
Ballon d’Or ლიონელ მესიმ დაირტყა. ხავიმ ვერ გაქაჩა, ინიესტა არაპოპულარული გენიოსი იყო და მესიმ სექტემბრიდან აკრიფა. ბრიფინგებზე მორცხვი და მოედანზე მოუსვენარი პერსონა მართლა მაგარი ბიჭია. ლეო გახდა ფეხბურთის ისტორიაში მეთერთმეტე, რომელსაც ინდივიდუალური ჯეკპოტი, სულ მცირე, ორჯერ აქვს მოხსნილი. მანამდე იგივე გააკეთეს იოჰან კრუიფმა, მიშელ პლატინიმ, ალფრედო დი სტეფანომ, ფრანკ ბეკენბაუერმა, კევინ კიგანმა, კარლ-ჰაინც რუმენიგემ, ზინედინ ზიდანმა, რონალდინიომ და რონალდომ.
Ballon d’Or წელს საუკეთესოს დასახელებაში FIFA-ს დაუძმაკაცდა და სხვებზე უკეთესიც ბოსებმა წელს ერთად აირჩიეს. პირველად. მესიმ ერთი წლის წინ მოპოვებული ტიტული დაიცვა და რონალდოსთან ერთად ყველაზე ახალგაზრდაა, ვინც ორჯერ ორივე ორგანიზაციამ მოიწონა.
გვარდიოლამ მესი ამოიკითხა და ლეოს ჯერ მორცხვად ჩაეცინა. ლეო სცენისკენ დაიძრა, მანამდე სახეზე ჩამოყრილი თმა ორჯერ გაისწორა, ბევრი მილოცვა მიიღო და სცენაზე ავიდა. საუბრის დაწყებამდე ოდნავ ანერვიულდა და იმ მომენტში შორს იყო იმ ბიჭისგან, ვინც უემოციოდ ეთამაშება მცველებს, ერთობა და ფეხბურთში იუმორის დიდი დოზა შეაქვს. მესიმ იმ წუთ-ნახევარში უფრო ინერვიულა, ვიდრე პრიმერას სტარტიდან. მესი იმ მომენტში ჩვეულებრივი, 23 წლის ბიჭი იყო. მორიდებული, ყველასთვის ადვილად მისაწვდომი და საყვარელი.
მესი რეალური გენიოსია. კრიშტიანო რონალდუზე რეალური სტატუსით და რონალდოზე რეალური ჯანმრთელობით. ყველაზე რეალური ნიჭით და პერსპექტივით. ყველაზე ახლოს ტონი მონტანას სლოგანთან The World is Yours (მთელი სამყარო შენია).
რონალდო ორჯერ გახდა საუკეთესო და მერე უფრო ტრავმატოლოგებთან ძმაკაცობდა, ვიდრე ”ინტერისა” ან ბრაზილიის ნაკრების ხალხთან. რონალდინიო 25 წლის გახდა და ყველაფრის მუღამი დაკარგა. მომენტებში ძველი კიჭა იყო, მაგრამ, ძირითადად, ონანიზმზე ლექციებს კითხულობდა. მოტივაცია ბოლომდე შეინარჩუნა მარკო ვან ბასტენმა და დაკარგა ფეხები ანუ საფეხბურთო ფეხები. იტალიაში ჰოლანდიელ გენიოსზე ბონუსიანი ნადირობა გამოცხადდა. მარკომ 27 წლის ასაკში დაასრულა კარიერა და ეპოქა. მარკო დიდი იყო.
მესი მაგნიტივით იზიდავს უხეშ და აგრესიულ მცველებს. მესი მაგნიტივით იზიდავს დილეტანტების ყურადღებას და შურს. მესი მაგნიტივით იზიდავს ყველაფერს და ეს პროცესი ბუნებრივი, გარდაუვალია. თუ ამ საუკუნის რომელიმე მორენო ტორიჩელი მესის დალეწვას მოინდომებს, მსაჯები ლეოს ვერ დაიცავენ. ის მცველი მიიღებს ყვითელ, წითელ ბარათს, რამდენიმე VS-ით დაასვენებენ და მესი რომელიმე ჰოსპიტლის სახე გახდება. უმჯობესია, ლეო ფეხბურთის სახედ დარჩეს და დანარჩენს როგო
Ballon d’Or 1956-ში დააწესეს და პრიზი ლეგენდარულმა სტენლი მეთიუზმა მიიღო. FIFA-ს ვერსიით საუკეთესოების არჩევიდან ცამეტჯერ ორივე ნომინაციას იდენტური გამარჯვებული ჰყავდა - მარკო ვან ბასტენი (1992), რობერტო ბაჯო (1993), ჟორჟ ვეა (1995), რონალდო (1997), ზინედინ ზიდანი (1998), რივალდო (1999), რონალდო (2002), რონალდინიო (2005), ფაბიო კანავარო (2006), კაკა (2007), კრიშტიანო რონალდუ (2008), ლეო მესი (2009-10).
ლა მასიაზე მიიყვანეს პატარა მარვი, ბავშვი, რომელიც ბევრგან დაიწუნეს. ”ბარსელონამ” გენიოსი დაიტოვა, ლეოს მამამ შვილი სამოთხეში ჩააბარა და დღეს ბედნიერია, რომ ლეოს ხერხემალი აღარ აწუხებს. რომ ლეო ყავარჯნების გარეშე დადის. რომ ლეო ფეხბურთის მარლონ ბრანდოა. რომ ლეო მესია.
”ბარსელონას” ფილოსოფიაში იოჰან კრუიფის ჰოლანდიური Totaalvoetbal და ესპანური tiki-taka ოპონენტისთვის მიუღებელ, სახიფათო, ძნელად გასაგებ მიქსტს ქმნის. გამოდის Totaaltiki-taka. საინტერესო კოქტეილია - ტექნიკურად სრულყოფილი ტიპები, რომლებიც ახალი დეკადის კარლ ლიუისები არიან, ერთი პასით 90 წუთს რამდენიმე წამში ატევენ, ერთი ”ბაჩოკით” ყველაფერს ამთავრებენ და დამთავრებულს ახლიდან იწყებენ. ”ბარსელონას” აკადემიაში სწორად აზროვნება და ფეხბურთის უნაკლოდ თამაში ასწავლეს გვარდიოლას, გილერმო ამორს, კარლეს ბუსკეტსს და სერხი ბარხუანს. მოგვიანებით გენიოსების მანეჟში ჩააგდეს ივან დე ლა პენია, ხავი ერნანდესი და კარლეს პუიოლი. შემდეგი გენერაციიდან წამოვიდნენ მიგელ არტეტა, პეპე რეინა, ვიქტორ ვალდესი, სესკ ფაბრეგასი და ხერარდ პიკე. ბოლო ბრიგადიდან ყველაზე გამორჩეული მესი იყო.
ლეო უფრო ის კუბელი ჰიტმენია, ვიდრე უიმედო მარვი.
ტონი მონტანა: ”You f..k with me, you f..kin' with the best!” იგივეა მესიც.
”ბარსელონას” არგენტინელ კლასიკოსზე თუ საუბრობ, წერ, ფიქრობ, მონტანას კიდევ ერთი კლასიკური ფრაზა გახსენდება - I always tell the truth. Even when I lie.
მესიც ტონივით ასრულებს და სულ უფრო უძმაკაცდება სლოგანს The World is Yours.
The Goat - თხა (პირდაპირში), ცანცარა (გადატანითის პირველი ფაზა), გამოუსადეგარი (გადატანითის მეორე ფაზა) - ანუ კრისტიანა რონალდუ.
The Goat (იშიფრება) - The Greatest of All Time (ყველა დროის საუკეთესო), იგივე ლეო მესი..
|
|
კატეგორია: ესპანეთი |
ნანახია: 399 |
დაამატა: LiverPooLa
| რეიტინგი: 0.0/0 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
| სტატისტიკა |
|---|
სულ ონლაინში: 1 სტუმარი: 1 მომხმარებელი: 0 |
| მთვლელები |
|---|
|
|
