მიუნხენის ბაიერნის ფორვარდი მარიო გომესი გამოტყდა, რომ იანვარში ლონდონის ჩელსი მის სანაცვლოდ 35 მილიონ ევროს იხდიდა. Sport Bild-თან ინტერვიუში გერმანიის ნაკრების ფეხბურთელმა განაცხადა, რომ "არისტოკრატების" დაინტერესების შესახებ მან მხოლოდ მას შემდეგ გაიგო, როდესაც მიუნხენელებს უკვე უარით ყავდათ გასტუმრებული ინგლისელები: "ჩელსის შემოთავაზების შესახებ მაშინ გავიგე, როდესაც ჩემმა გუნდმა უკვე უარი განუცხადა მათ. მაგრამ ეს არაფერს ცვლის. მე ვიცავ ტოპ-კლუბის ღირსებას და ვარ ერთ-ერთი ლიდერი, ასე რომ არაფრის გამოცვლა მინდა."-განაცხადა გომესმა.

ამჟამად მის ანგარიშზე 16 გოლია, თუმცა სეზონის დასაწყისისთვის მსგავს შედეგიანობას მისგან არავინ ელოდა. ყველაფერი ბუნდესლიგის მე-8 ტურში შეიცვალა ჰანოვერთან მატჩში, როდესაც მარიომ ჰეთ-ტრიკი გაიფორმა. გომესი აგრეთვე ჩემპიონთა ლიგაზეც რეგულარულად იტანს, მის ანგარიშზე 6 გოლია.

"სუპერმარიო" მიუნხენურ გრანდში 2009 წელს შტუტგარდიდან გადავიდა, 25,5 მილიონ ფუნტად. ამ ხნის მანძილზე მან ჩაატარა 74 თამაში და გაიტანა 39 გოლი.