საქართველოს 14-წლამდე ფეხბურთელთა ნაკრები ლატვიის დედაქალაქ რიგაში გამართული საერთაშორისო ტურნირის გამარჯვებული გახდა. ქართველმა მოზარდებმა ფინალში ჰოლანდიური "ვიტესის" დაამარცხეს და ტურნირის უძლიერესი გუნდის ტიტული დამსახურებულად მოიპოვეს. ფინალური შეხვედრის ძირითადი დრო ფრედ – 1:1 დასრულდა (გოლი გიორგი წულეისკირის ანგარიშზეა), ხოლო თერთმეტმეტრიანების სერიაში, ქართველმა ფეხბურთელებმა 2:0 იმარჯვეს. მანამდე კი, ნახევარფინალში, გოჩა ტყებუჩავას გუნდმა კიევის "დინამო" 2:0 დაამარცხა. სასიხარულოა ისიც, რომ ტურნირის საუკეთესო ფეხბურთელად საქართველოს ნაკრების წევრი – ლუკა ვარძელაშვილი დასახელდა. 14-წლამდელები სამშობლოში დღეს, გვიან ღამით დაბრუნდებიან. წყარო:worldsport.ge
