ლივერპულის ხელმძღვანელობამ დღეს ოფიციალურად განაცხადა როი ჰოჯსონის თანამდებობიდან მოხსნის შესახებ.

"ჩვენ მადლობას ვუხდით როის გაწეული სამუშაოსთვის. ორივე მხარე იმ შეთანხმებამდე მივიდა, რომ მას უნდა დაეტოვებინა მწვრთნელის პოსტი.” – ნახსენებია ლივერპულის ოფიციალურ საიტზე.

ნახევარწლიანი მუშაობის შემდეგ როიმ კარგი შედეგი ვერ აჩვენა, პირიქით ლივერპული უარეს კრიზისში ჩააგდო.

ასევე ცნობილი გახდა, რომ სეზონის ბოლომდე კლუბს უხელმძღვანელებს მერსესაიდელთა ლეგენდა კენი დალგლიში. ის სამუშაოს კვირიდან დაიწყებს, როდესაც ლივერპული ინგლისის თასზე მანჩესტერ იუნაიტედს დაუპირისპირდება.