კარლოს ტევესი, ერთ დროს, იუნაიტედის
ქომაგების ერთ-ერთი საყვარელი ფეხბურთელი იყო. ახლა იგი თანაქალაქელი
სიტის, იუნაიტედის მოსისხლე მტრის შემადგენლობაში ირიცხება და გუნდის
ლიდერადაც მოიხსენიება. იუნაიტედის ფანების პრიმიტიულმა ქცევამ და ტევესის
საკადრისმა პასუხმა, ორი მხარის ურთიერთობა მთლად გაამწვავა.
წლევანდელ პრემიერლიგაში სიტი, ჩავარდნების მიუხედავად, კარგად ასპარეზობს
და მესამე ადგილსაც იკავებს. გუნდმა ლიდერობაც მოასწრო წელს, რაც
დამატებითი სტიმულია მათთვის. თითონ ტევესმა წინა ტურში 3 გოლი გაუტანა
ვესტ ბრომვიჩს, რითიც წლიური მარაგი 20 ბურთამდე გაზარდა, ასევე ეს გოლი
გახდა მისთვის მე-18 პრემიერლიგაში, იგი 1 გოლით ჩამორჩება ლიდერს,
მისთვის ძალიან კარგად ნაცნობ, იუნაიტედის ფორვარდ დიმიტარ ბერბატოვს. ეს
თამაში ასევე მოიაზრება, როგორც ამ ორის პაექრობა. ტევესმა გააკეთა
ინტერვიუ დერბის წინ, სადაც განაცხადა შემდეგი:
"ჩემთვის
სულ ერთია, თუ როგორ მოიქცევიან იუნაიტედის ქომაგები, დამისტვენენ თუ არა.
წინა წელს სტვენა ძალიან ბევრი იყო, მაგრამ მე მესმის მათი, ისინი როგორც
იუნაიტედის ქომაგები ვერ მპატიობენ მოწინააღმდეგე მხარეს გადასვლას.
თუმცა კარგი იქნება თუ ისინი იმოქმედებენ ტვინით და არა გულით, ვერცერთი
მათგანი ვერ იტყვის რომ იუნაიტედში ყოფნისას მე ბოლომდე არ ვიხარჯებოდი.
შეიძლება ზოგიერთი მათგანი კიდევ ვერ ხვდება ჩემი წასვლის მიზეზს.
მე პირველ რიგში პროფესიონალი ფეხბურთელი ვარ, ხოლო სტვენის ატანა ეს ის
საფასურია, რომლის გადახდა ზოგჯერ გვიწევს. თუმცა ქომაგების სტვენა ჩემზე
სრულიად არ იმოქმედებს. მე ძალიან მიყვარს დერბიში მონაწილეობა, ბევრჯერ
მითამაშია დერბი არგენტინაში და ბრაზილიაში ყოფნისას, თუმცა ინგლისში
ყველაფერი უფრო განსაკუთრებულია."
ბოლოს ტევესმა სიტის შანსებზე ისაუბრა: "განსაკუთრებული
თამაში იქნება, ჩვენ ჩავალთ "ოლდ ტრაფორდზე" მოსაგებად. ძალიან გვინდა
სხვაობის შემცირება, საერთოდ კი ჩემპიონობისთვის ბრძოლა. მთავარია შევძლოთ
სტაბილურად თამაში და გავიმარჯვოთ იქ, სადაც საჭიროა. ჩვენ ძალიან ძლიერი
გუნდი გვყავს, წინა წლებისგან ის გამოგვარჩევს რომ გუნდური თამაში
ვისწავლეთ."
