"ტოტენჰემის" ნახევარმცველმა, რაფაელ ვან დერ ვარტმა გამოხატა თავისი მოსაზრება ჩემპიონთა ლიგის 1/8 ფინალის შესახებ და ისაუბრა "არსენალსა" და "ბარსელონას" დაპირისპირებაზე. "წელს, ისევე როგორც შარშან, გამარჯვებას "ბარსელონა" მოიპოვებს. დიახ, "არსენალი" ძლიერია, მაგრამ "ბარსა" სულ სხვა დონის თამაშს აჩვენებს. "არსენალი" ვერ დაამარცხებს "ბარსელონას". ეს ფანტასტიური გუნდია. ჩავი, ინიესტა და მესი ყოველთვის ქმნიან ისეთ საფრთხებს, რომ მეტოქეებს მინიმალურ შანს უტოვებენ. ჩემი აზრით "ბარსელონა" არის ფავორიტი როგორც ჩემპიონთა ლიგაში, ასევე ესპანეთის ჩემპიონატში."– განაცხადა ვან დერ ვარტმა. შეგახსენებთ, რომ შარშან, ჩემპიონთა ლიგის მერვედ ფინალაში ერთამენთს სწორედ ეს ორი გუნდი დაუპირისპირდა. ორი მატჩის ჯამში გამარჯვებულები "ბარსელონას" ფეხბურთელები გამოვიდნენ. მიმდინარე ჩემპიონთა ლიგის პირველი მერვედ ფინალური შეხვედრა "არსენალსა" და "ბარსელონას" შორის 16 თებერვალს, ლონდონში გაიმართება.
