იტალიურმა Corriere dello Sport-მა დღეს გაავრცელა ინფორმაცია, რომ ზაფხულში მილანმა და რეალმა შესაძლოა მოთამაშეები გაცვალონ. საუბარია სერხიო რამოსსა და ალეშანდრუ პატუზე.

წყაროს თანახმად ურთიერთობა ესპანელ მცველსა და ჟოზე მოურინიუს შორის დაიძაბა და არაა გამორიცხული ფეხბურთელს გუნდის დატოვება მოუწიოს.

რაც შეეხება პატუს, გუნდში იბრას, რობინიოსა და კასანოს მისვლის შემდეგ ფეხბურთელის სათამაშო დრო შემცირდა და ბევრის მტკიცებით გუნდის ძირითად შემადგენლობაში ბრაზილიელის ადგილი აღარაა. ყოველივე ამას ემატება კარიმ ბენზემას რეალიდან სავარაუდო წასვლა. დიდი შანსია ფრანგმა ფეხბურთელმა ზაფხულში რეალი დატოვოს. კარიმის წასვლის შემთხვევაში იტალიელი ჟურნალისტები მის შემცვლელად სწორედ რომ პატუს ხედავენ.